Ekonomıst AQSh-taǵy júzdegen bank bankrot aldynda turǵanyn aıtty

ASTANA. QazAqparat – 2008 jylǵy daǵdarysty boljaǵan ekonomıst Nýrıel Rýbını AQSh-taǵy júzdegen bank bankrotqa ushyraýy múmkin deıdi. Bul týraly QazAqparat Bitcoin.com saıtyna silteme jasap habarlaıdy.

Nýrıel Rýbını taıaýda jarııalaǵan maqalasynda bankterdiń 620 mıllıard AQSh dollary kólemindegi baǵaly qaǵazdar boıynsha iske asyrylmaǵan shyǵynǵa ushyraǵanyn aıtady.

«Odan da jamany, joǵary paıyzdyq mólsherleme bankterdiń basqa aktıvteriniń naryqtaǵy qunyn tómendetti. AQSh-ta bankterdiń iske asyrylmaǵan shyǵyndary is júzinde 1,75 trıllıon dollardy nemese olardyń kapıtalynyń 80% quraıdy», - dep jazdy ol.
Ol sondaı-aq óz maqalasynda «depozıttik franshıza» dep atalatyn tujyrymdamany atap ótken. Salymshylar ózderiniń depozıtterin qaýipsiz emes dep esepteptegen, bul senimniń joǵalýyna ákelýi múmkin.