Ekonomıkanyń ósýin yntalandyrý úshin júıeli sharalar qabyldaý qajet – Úkimet basshysy
«Memleket basshysy Úkimettiń keńeıtilgen otyrysynda orta merzimdi kezeńde jyl saıynǵy ekonomıkalyq ósimdi 6 paıyz deńgeıinde qamtamasyz etýdi tapsyrdy. Bul –óte mańyzdy mindet. Halyqaralyq ekonomıster osy jyldyń sońyna deıin jahandyq ekonomıkanyń ósý qarqyny tómendeıdi dep boljap otyr. Álemdegi kúrdeli geosaıası ahýal ekonomıkaǵa keri áserin tıgizýde», - dedi Úkimet basshysy.
Osyǵan baılanys Premer-Mınıstr ekonomıkanyń ósýin yntalandyrý úshin júıeli túrde pármendi is-sharalar qabyldaý qajettigine nazar aýdartty.
«Ekonomıkany ártaraptandyrý, ózimizdiń otandyq óndiristi odan ári damytý, ınvestıtsııalardy arttyrý, jańa jumys oryndaryn qurý is-sharalaryn kúsheıtý kerek. Barlyq mınıstrler men ákimderden úılesimdi jumys júrgizý tıis», - dedi Álıhan Smaıylov.
