Ekonomıkanyń negizgi draıveri - qurylys pen óńdeý ónerkásibi
NUR-SULTAN. QazAqparat – Ulttyq ekonomıka mınıstri Rýslan Dálenov jahandyq jaǵymsyz trendterge qaramastan ekonomıkanyń jeke sektorlarynda aıtarlyqtaı ósim baryn málim etti, dep habarlaıdy QazAqparat tilshisi.
«Jahandyq jaǵymsyz trendter jyl basynan beri Qazaqstan ekonomıkasyna áserin tıgizip-aq jatyr. Qazaqstanda da álemniń barlyq basqa elderi sııaqty koronavırýs pandemııasyna baılanysty iskerlik belsendiliktiń tómendedi. Eń kóp zardap shekken - qyzmet kórsetý salasy. Osy jyldyń 6 aıynda bul salada tómendeý 5,6%-ti qurady», - dedi Rýslan Dálenov OKQ-da ótip jatqan baspasóz máslıhatynda.
Onyń aıtýynsha bul rette ekonomıkanyń naqty sektorynda turaqty ósim baıqalady. Naqtyraq aıtqanda taýarlar óndirisi 4,1%-ǵa ósken.
«Negizgi draıverler qurylys (+11,2%) jáne óńdeý ónerkásibi (+4,8%) boldy. Óńdeý ónerkásibinde ósý 4,8%-dy qurady. Ol avtomobıl jasaý (46%), farmatsevtıka (24%), daıyn metall buıymdaryn óndirý (20%), jeńil ónerkásip (8%), rázińke jáne plastmassa buıymdaryn (8%) jáne qaǵaz óndirý (15%) esebinen qamtamasyz etildi», - dedi ol.
