Ekonomıkanyń 7 kórsetkishi boıynsha eki óńir ǵana ósim kórsetti

NUR-SULTAN. QazAqparat – Ekonomıkanyń 7 kórsetkishi boıynsha 2 óńir ǵana ósim kórsetti. Bul týraly Úkimet otyrysynda QR Ulttyq ekonomıka mınıstri Áset Erǵalıev aıtty, dep habarlaıdy QazAqparat tilshisi.

«7 ekonomıkalyq kórsetkish boıynsha óńirlik bólinistegi jalpy jaǵdaı mynadaı. Barlyq 7 kórsetkish boıynsha oń ósim 2 óńirde – Shymkent qalasy jáne Mańǵystaý oblysynda baıqalady. 6 kórsetkish boıynsha 7 óńirde ósim baıqalady. Olar Aqmola, Aqtóbe, Almaty, Jambyl, Qaraǵandy, Pavlodar jáne Túrkistan oblystary. 7 óńirde 5 kórsetkish boıynsha oń qarqyn tirkeldi. Batys Qazaqstan oblysynda tek 2 kórsetkish boıynsha ósý baıqalady», - dedi Ulttyq ekonomıka mınıstri búgingi Úkimet otyrysynda.

Onyń aıtýynsha, saýda jáne kólik boıynsha da jaǵdaı jaqsarýda.

«Qostanaı jáne Batys Qazaqstan oblystaryn qospaǵanda, barlyq óńirde saýda boıynsha ósim baıqalady. Kólik boıynsha áli de tek 3 óńir oń aımaqta ornalasqan. Bul – Atyraý jáne Mańǵystaý oblystary, sondaı-aq Shymkent qalasy», - deıdi Áset Erǵalıev.