Ekonomıkanyń 6 paıyzdyq ósimine aýyl sharýashylyǵy salasyn serpiltý arqyly qol jetkizýge bolady - Ekonomıka mınıstri
ASTANA. 23 shilde. QazAqparat - Ekonomıkanyń 6 paıyzdyq ósimine aýyl sharýashylyǵy salasyn serpiltý arqyly qol jetkizýge bolady.
Bul týraly búgin aǵymdaǵy jyldyń birinshi jartyjyldyǵyndaǵy áleýmettik-ekonomıkalyq damý qorytyndylary talqylanǵan Úkimet otyrysynda Ekonomıka jáne bıýdjettik josparlaý mınıstri Erbolat Dosaev málim etti.
«Aýyl sharýashylyǵyndaǵy ósý qarqyndary josparly kórsetkishten 10,2 paıyzdyq tarmaqqa tómen. Degenmen, qarqynnyń bulaısha tómendigi mezgildik faktorlarmen túsindiriledi. Óıtkeni salalar boıynsha túpkilikti qorytyndylar tek jyldyń aıaǵynda egin orý naýqany nátıjesinde belgili bolady. Sonymen qatar aǵymdaǵy jyly kútiletin 14,5 mln. tonna bıdaıdy jınaý aǵymdaǵy jyly ósimdik sharýashylyǵy men jalpy aýyl sharýashylyǵynyń nysanaly ósý ólshemderin qamtamasyz etýge múmkindik beredi»», - deıdi mınıstr.
Onyń aıtýyna qaraǵanda, aýyl sharýashylyǵynda boljamdalǵan ósýge qol jetkizgende jáne bir saladaǵy joǵary emes ósý qarqyndaryn basqa saladaǵy joǵary ósý qarqyndarymen almastyrǵanda 2013 jyly JІÓ ósýi 6%-dan kem bolmaýy tıis.
