Ekonomıkany jańǵyrtý máseleleri jónindegi memlekettik komıssııa 2010-2014 jyldarǵa arnalǵan QR-daǵy ınnovatsııany damytý men tehnologııalyq jańǵyrýǵa kómektesý týraly baǵdarlamanyń jobasyn talqylady

ASTANA. Qyrkúıektiń 29-y. QazAqparat - Búgin kúnniń ekinshi jartysynda Úkimet úıinde Ekonomıkany jańǵyrtý máseleleri jónindegi memlekettik komıssııanyń otyrysy bolyp ótti, dep habarlaıdy QR Premer-Mınıstriniń baspasóz qyzmeti.

Otyrys jumysyna Parlament depýttartary, ortalyq atqarýshy organdardyń jetekshileri, ǵylymı mekemeler men qoǵamdyq uıymdardyń ókilderi qatysty.

Otyrysqa qatysýshylar 2010-2014 jyldarǵa arnalǵan Qazaqstan Respýblıkasynda ınnovatsııany damytý men tehnologııalyq jańǵyrýǵa kómektesý jónindegi baǵdarlama jobasyn talqylady. Sondaı-aq, Údemeli ındýstrııalyq-ınnovatsııalyq damýǵa arnaǵan Memlekettik baǵdarlama aıasynda QR ındýstrııa jáne jańa tehnologııalar mınıstrligi ázirlep jatqan eldegi 2010-2014 jyldarǵa arnalǵan qazaqstandyq úlesti damytý jónindegi salaly baǵdarlamanyń da jobasy qaraldy.

Talqylaý qorytyndysy boıynsha Indýstrııa jáne jańa tehnologııalar mınıstrine engizilgen usynystardy eskere otyryp, jobany aıaqtaý tapsyryldy.