Ekonomıkany kredıtteý 3,5 paıyzǵa ulǵaıdy - Rýslan Dálenov
NUR-SULTAN. QazAqparat - Ekonomıkany kredıtteý jyl basymen salystyrǵanda 3,5 paıyzǵa ulǵaıdy. Bul týraly búgin Úkimet otyrysynda 10 aıdaǵy elimizdiń áleýmettik-ekonomıkalyq damýy jaıynda baıandaǵan QR Ulttyq ekonomıka mınıstri Rýslan Dálenov aıtty, dep habarlaıdy QazAqparat tilshisi.
«Naqty sektor salalarynyń kóbi jáne jekelegen qyzmet túrleri jaqsy ósý qarqynyn kórsetti. Olar - qurylys, aqparat jáne baılanys, aýyl sharýashylyǵy, óńdeý ónerkásibi. Sonymen birge tómendeý kólik, saýda, ǵylymı jáne tehnıkalyq qyzmet, jyljymaıtyn múlikpen operatsııalar, ákimshilik qyzmet kórsetý salalarynda baıqaldy», - dedi ol.
Onyń dereginshe, 10 aıdyń qorytyndylary boıynsha bazalyq faktorlar – óndirýshi emes sektorlarǵa ınvestıtsııalar, ekonomıkany kredıtteý, naqty sektordyń ósýi jáne qyzmetter salasynyń tómendenýiniń turaqtanýy bolyp sanalady. Osylaısha, 10 aıda ken óndirý ónerkásibin esepke almaǵanda, ınvestıtsııalar 14,7 paıyzǵa ósti.
«Investıtsııalardyń eleýli kólemi turǵyn úı qurylysyna 30 paıyz ósimmen 1,5 trln teńge, kólikke 8 paıyz ósimmen 959 mlrd teńge, óńdeý ónerkásibine 11 paıyz ósimmen 661 mlrd teńge, onyń ishinde azyq-túlik ónimderine 20 paıyz ósimmen 75 mlrd teńge, aýyl sharýashylyǵyna 8 paıyz ósimmen 413 mlrd teńge tartyldy», - dedi mınıstr.
Rýslan Dálenovtiń atap ótýinshe, ekonomıkany kredıtteý jyl basymen salystyrǵanda 3,5 paıyzǵa ulǵaıdy. Kredıtterdiń eń kóp ósýi baılanysta, aýyl sharýashylyǵynda, ónerkásipte jáne qurylysta baıqalady. Shaǵyn kásipkerlik sýbektilerin kredıtteý 5,9 paıyzǵa ulǵaıdy. Bul tutynýshylyq kredıtterdiń jáne jalpy ekonomıkany kredıtteýdiń ósýinen joǵary.
«Óńdeý ónerkásibi salalarynda ósý jedeldedi. Farmatsevtıka 40 paıyzǵa deıin, jeńil ónerkásip
16, mashına jasaý – 17, avtomobıl jasaý 54 paıyzǵa deıin jedeldedi», - dedi ol.
