Ekonomıkany qarjylandyrýdyń naryqtyq qaǵıdattaryn engizý jalǵasady – Ulttyq bank
NUR-SULTAN. QazAqparat – Ekonomıkany qarjylandyrýdyń naryqtyq qaǵıdattaryn engizý jalǵasady. Bul týraly Úkimettiń keńeıtilgen otyrysynda QR Ulttyq bank tóraǵasy Ǵalymjan Pirmatov aıtty, dep habarlaıdy QazAqparat tilshisi.
«Ekonomıkany daǵdarysqa deıingi deńgeıge deıin qalpyna keltirý mindetin oryndaǵan ekonomıkany qoldaýdyń 5 baǵdarlamasyn iske asyrýdy aıaqtaý ınflıatsııalyq qysymdy tómendetýdiń qosymsha qadamy boldy. Aqsha-kredıt saıasatynyń strategııasyna sáıkes, Ulttyq bank ekonomıkany qarjylandyrýdyń naryqtyq qaǵıdattaryn engizýdi jalǵastyrady. Makroekonomıkalyq saıasatty úılestirý týraly kelisimde belgilengen memlekettik qoldaýdyń naryqtyq emes quraldarynan birtindep shyǵý boıynsha Úkimet tarapynan 5 jyldyq jol kartasyn qabyldaý mańyzdy bolyp sanalady», - dedi Ǵalymjan Pirmatov.
