Ekonomıkany qarjylandyrý óskenimen odan halyqtyń jaǵdaıy jaqsaryp ketken joq - Godýnova

ASTANA. QazAqparat – Ekonomıka salalaryn qarjylandyrý óskenimen odan halyqtyń jaǵdaıy jaqsaryp kete qoıǵan joq. Bul týraly Májilistiń jalpy otyrysynda Joǵary aýdıtorlyq palatanyń tóraǵasy Natalıa Godýnova aıtty, dep habarlaıdy QazAqparat tilshisi.

«Mınıstrlikterdiń damý jospary men olardyń bıýdjettik baǵdarlamalarynda halyqtyń ómir súrý sapasynyń ózgerýine baılanysty túpkilikti kórsetkishter joq. Jalpy ishki ónimniń ósýi, trıllıondar, tonna, myńdaǵan km! Al osydan adamnyń ómir sapasy jaqsardy ma? Túsiniksiz! Anyqtaý múmkin emes! Joq! Sebebi tapsyrmanyń sharttary durys aıqyndalmaǵan. Árıne, Memleket basshysynyń tapsyrmasy boıynsha shaǵyn kredıt berýdiń nysanaly baǵdarlamalary, halyqtyń tabysyn arttyrý baǵdarlamasy iske asyp jatyr jáne onyń barlyǵy naqty oń áserge ıe», - dedi palata tóraǵasy.

Biraq onyń atap ótýinshe, bul - qoldyń kúshimen basqarylyp jatqan sharýa.

«Al búkil bıýdjettik júıe adamǵa baǵdarlanyp, beıimdelýi tıis. Bıýdjettik uıymdardy ǵana emes, sonymen birge ekonomıka salalaryn da qarjylandyrý jańa jumys oryndary men jalaqyny kóterý túrinde mýltıplıkatıvti áser berýi tıis. Al bizde ekonomıka salalaryn qarjylandyrý ósip jatqanymen, halyqtyń jaǵdaıy budan jaqsaryp kete qoıǵan joq», - dedi Natalıa Godýnova.