«Ekonomıkalyq zertteýler ınstıtýty» aǵymdaǵy jyly 10-nan astam zertteý jumystaryn júzege asyrdy
A. Jeltoqsannyń 10-y. QazAqparat /Qanat Mámetqazyuly/ - Ekonomıkalyq zertteýler ınstıtýty» AQ aǵymdaǵy jyly 10-nan astam zertteý jumystaryn júzege asyrdy. Bul týraly búgin, jeltoqsannyń 10-ynda QR Ekonomıka jáne bıýdjettik josparlaý mınıstrliginde ótken «Ekonomıkalyq zertteýler ınstıtýty» AQ-nyń ashyq esik kúni sharasy barysynda málim boldy,
dep habarlaıdy QazAqparat.
«Búgingi kúni Úkimettiń, Ekonomıka jáne bıýdjettik josparlaý mınıstrliginiń aldynda memlekettik josparlaý, uzaqmerzimdi strategııalyq josparlaý baǵytynda, sondaı-aq údemeli ındýstrııalyq-ınnovatsııalyq damý baǵdarlamasy boıynsha asa joǵary mindetter tur. Budan basqa, óńirlerde ekonomıkanyń serpindi damýy úshin ilki jobalardy iske qosý sharalary da talqylaný ústinde. Osyndaı jumystar barysynda «Ekonomıkalyq zertteýler ınstıtýty» AQ mınıstrliktiń senimdi áriptesi bola alady. Bul rette dittegen mindetti oryndaý úshin ınstıtýttyń ǵylymı resýrstaryn, baǵdarlamalyq quraldaryn tolyq paıdalanýǵa bolady», dedi jıyn barysynda sóz sóılegen QR Ekonomıka jáne bıýdjettik josparlaý mınıstrliginiń jaýapty hatshysy Dına Shájenova.
Onyń aıtýynsha, atalmysh ınstıtýt aǵymdaǵy jyly 10-nan astam zertteý jumystaryn júzege asyrǵan. Bundaǵy negizgi tapsyrys berýshi Ekonomıka jáne bıýdjettik josparlaý mınıstrligi bolyp tabylady. «Meniń oıymsha, basqa da memlekettik organdarǵa, jergilikti atqarýshy organdarǵa osy baǵytta jumys isteýdiń mańyzy zor. Sonymen birge ınstıtýtta Qazaqstan ekonomıkasynyń básekege qabelittiligin arttyrý maqsatynda zertteýler qolǵa alyndy», dedi D. Shájenova.
