Ekonomıkalyq tergeý qyzmetiniń ofıtseri para alǵanyn moıyndady

ASTANA. QazAqparat - Elordada Ekonomıkalyq tergeý qyzmetiniń ofıtseri para alý kúdigine ilikti. Bul jaıynda QR Memlekettik qyzmet isteri jáne sybaılas jemqorlyqqa qarsy is-qımyl agenttiginen málim etti, dep habarlaıdy QazAqparat tilshisi.

«2018 jylydń 11 tamyzynda QR Sybaılas jemqorlyqqa qarsy is-qımyl ulttyq bıýrosynyń Astana qalalyq departamenti Memlekettik kirister departamentiniń Ekonomıkalyq tergeý qyzmeti asa mańyzdy ister jónindegi aǵa tergeýshisiniń para alǵandyǵyn áshkerledi. Kúdikti JShS dırektorynan aqsha qarajatyn urlaý faktisi boıynsha qylmystyq qýdalaýdy toqtatqany úshin kelisken 15 myń AQSh dollarynyń 5 myń dollaryn alý barysynda ustaldy», - dep atap ótedi vedomstvonyń baspasóz qyzmetinen.

Taratylǵan aqparatqa qaraǵanda, kúdikti kinásin tolyqtaı moıyndaýyna baılanysty tutqynǵa alynbaǵan. Qazirgi ýaqytta sotqa deıingi tergeý amaldary júrgizilýde.

Vedomstvo málimetinshe, aǵymdaǵy jyldyń basynan beri Ekonomıkalyq tergeý qyzmeti qyzmetkerleriniń jemqorlyq quqyq buzýshylyǵy boıynsha 8 fakti tirkelgen. ETK qyzmetkerleriniń ústinen qozǵalǵan qylmystyq isterdegi paranyń jalpy kólemi 25,5 mıllıonnan astam teńgeni quraıdy.