Ekonomıkalyq ósimdi qalpyna keltirý jónindegi memlekettik komıssııa qurylady - Prezıdent
NUR-SULTAN. QazAqparat – Pandemııa halyqtyń densaýlyǵyna áli de qaýipti. Bul týraly Memleket basshysy Qasym-Jomart Toqaev Tótenshe jaǵdaı rejımin qamtamasyz etý jónindegi memlekettik komıssııanyń otyrysynda málim etti, dep habarlaıdy QazAqparat.
«Sońǵy eki aı elimiz úshin ońaı bolǵan joq. Daǵdarys áli tolyq eńserilmeı tur. Degenmen, indettiń sharyqtaý sheginen óttik. Tótenshe jaǵdaı rejımin qamtamasyz etý jónindegi memlekettik komıssııa aýqymdy jumys atqardy. Halyqtyń densaýlyǵyn qorǵaý, olardyń tabysyn arttyrý jáne bıznesin qoldaý úshin 500-ge jýyq sheshim qabyldanyp, júzege asyryldy. Endi Tótenshe jaǵdaı rejımin qamtamasyz etý jónindegi komıssııa Ekonomıkalyq ósimdi qalpyna keltirý jónindegi memlekettik komıssııa bolyp qaıta qurylady. Búgin búkil elimizdegi tótenshe jaǵdaı rejımi aıaqtaldy. Alaıda, keıbir aımaqtarda derttiń taralýy báseńdemeı otyr. Іndet tolyǵymen joıylyp ketken joq. Pandemııa halyqtyń densaýlyǵyna áli de qaýipti. Sondyqtan karantındik shekteýler ár óńirdegi jaǵdaıdyń jaqsarýyna qaraı birtindep alynady», - dedi Prezıdent.
