Ekonomıkalyq ósim shıkizat taýarlarynyń eksporty men olardyń óndirilýine táýeldi - Janar Aıtjanova
;ALMATY. Maýsymnyń 9-y. QazAqparat /Erlik Erjanuly/ - Qazaqstan eksportynyń 74 paıyzyn munaı men mıneraldyq shıkizat quraıdy. Ony Ekonomıkalyq damý jáne saýda mınıstri Janar Aıtjanova búgin ótip jatqan Keden odaǵy týraly dóńgelek ústel jıynynda aıtty,
dep habarlaıdy QazAqparat.
"2009 jyly jalpy ishki ónim qurylymynda óndiristik taýar 43,8 paıyzdy qurady. Onyń 11 paıyzy óńdeý, al qalǵany taý-ken ónerkásibiniń taýarlary boldy. Al 1993-2009 jyldary el ekonomıkasyna 108 mıllıard dollar tike ınvestıtsııalar salyndy. Onyń qurylymynda geologııalyq barlaý men izdeý 34,6 paıyz, shıki munaıdy jáne tabıǵı gazdy óndirý - 31,6 paıyzdy, óńdeý ónerkásibi - 9,4 paıyzdy qurady", deıdi mınıstr Janar Aıtjanova. Onyń aıtýynsha, Qazaqstannyń shıkizattyq eksportynyń úlesi byltyr 11,2 mıllıard dollar boldy. Bul eldiń jalpy eksportynyń 26 paıyzy. Eksporttyń qalǵan 74 paıyzy munaı men mıneraldyq shıkizat. Ekonomıkalyq ósim shıkizat taýarlary eksporty men olardyń óndirilýine táýeldi. Osyǵan oraı Qazaqstan aldyndaǵy eń negizgi basym mindet - ekonomıkany ártaratandyrý jáne onyń shıkizat eksportyna táýeldiligin azaıtý bolyp otyr. Keden odaǵynyń qurylýy men naryqtyń keńeıýi eń aldymen bizdiń ekonomıkanyń ınvestıtsııalyq tartymdylyǵyn arttyrýǵa baǵyttalǵan.
