Ekonomıkalyq qyzmettiń qandaı túrleri kreatıvti ındýstrııaǵa enedi

ASTANA. QazAqparat – Kreatıvti ındýstrııadaǵy shaǵyn jáne orta bıznes sýbektileriniń sanyn 2025 jylǵa qaraı 80 myńǵa jetkizý josparlanyp otyr. Bul týraly «Ashyq» NQA portalynda jarııalanǵan Úkimet qaýlysynyń jobasynda jazylǵan, dep habarlaıdy QazAqparat tilshisi.

Qujatta kórsetilgendeı, kreatıvti ındýstrııaǵa enetin ekonomıkalyq qyzmet túrleriniń tizimi:

- Konferentsııalar men saýda kórmelerin uıymdastyrý qyzmeti;

- Zergerlik buıymdar men uqsas buıymdar óndirisi;

- Kıno, beınefılmder jáne televızııalyq baǵdarlamalardy shyǵarý boıynsha qyzmeti;

- Mýzeı qyzmeti;

- Oqý zaly, dárishana, demonstratsııalyq zaldardyń qyzmetin qosa alǵanda, kitaphana qyzmeti;

- Kontsert qyzmeti;

- Kontserttik jáne teatr zaldarynyń qyzmeti;

- Qýyrshaq teatrlarynyń qyzmeti;

- Teatr qyzmeti;

- Tsırk qyzmeti;

- Tarıhı oryndar men ǵımarattardyń jáne osyǵan uqsas týrıstik oryndardyń qyzmeti;

- Dybys jazý jáne mýzykalyq shyǵarmalar shyǵarý salasyndaǵy qyzmeti;

- Mýzykalyq aspaptardy jasaý;

- Atom ónerkásibi jáne atom energetıkasy obektilerin qospaǵanda, sáýlet salasyndaǵy qyzmet;

- Mamandandyrylǵan dızaınerlik qyzmet;

- Aqparattyq agenttikterdiń qyzmeti;

- Radıohabar taratý;

- Televızııalyq baǵdarlamalardy qurý jáne taratý jónindegi qyzmet

- Fotografııa salasyndaǵy qyzmet;

- Ár túrli aǵash buıymdaryn jasaý;

- Basqa toptamalarǵa engizilmegen shyny buıymdaryn jasaý;

- Basqa toptamalarǵa engizilmegen kıim men aksessýarlardyń ózge de túrlerin jasaý;

- Basqa toptamalarǵa engizilmegen basqa toqyma buıymdaryn óndirý;

- Kádesyı buıymdaryn jasaý;

- Kıiz buıymdaryn jasaý;

- Kıimnen basqa toqyma emes toqyma buıymdaryn óndirý;

- Kilemderdi jáne kilem buıymdaryn jasaý;

- Kıimnen basqa, daıyn toqyma buıymdaryn óndirý;

- Qaıys-ertoqym buıymdaryn jasaý;

- Oıyndar jáne oıynshyqtar óndirý;

- Ózge de toqylǵan jáne toqylǵan kıimder óndirisi;

- Ózge de keramıkalyq buıymdar jasaý;

- Pyshaq buıymdar jasaý;

- Saǵattardyń barlyq túrlerin qurastyrý;

- Soǵý, presteý, shtamptaý jáne profıldeý arqyly daıyn metall buıymdaryn nemese jartylaı fabrıkattardy óndirý;

- Farfor men faıanstan turmystyq-sharýashylyq buıymdaryn jasaý;

- Sharýashylyq-turmystyq qysh buıymdaryn óndirý;

- Baǵdarlamalyq jasaqtamany ázirleý;

- Kompıýterlik oıyndar shyǵarý.

Tizimge jalpy sany 47 qyzmet túri endi.

«Joba jeke kásipkerlik sýbektilerin kreatıvti ındýstrııalar sýbektilerine jatqyzyp, tıisinshe qoldaý sharalaryn kórsetýge, sonymen qatar kreatıvti ındýstrııalardy damytýdyń 2021-2025 jyldarǵa arnalǵan tujyrymdamasynda belgilengen nátıjelerge qol jetkizýge baǵyttalǵan. Atap aıtqanda, kreatıvti ındýstrııadaǵy shaǵyn jáne orta kásipkerlik sýbektileri sanynyń 1,5 esege ósirý josparlanǵan, ıaǵnı 2023 jyly – 66 000, 2024 jyly – 73 000, 2025 jyly – 80 000», - dep túsindirme bergen Eńbek jáne halyqty áleýmettik qorǵaý mınıstrligi Úkimet qaýlysyna.

Qujat 19 sáýirge deıin kópshilik talqylaýda bolady.