Ekonomıkalyq qylmysty tergeý barysynda kásipkerdi qamaýǵa almaý usynyldy
«Ekonomıkalyq qylmys tergelip jatsa, tergeý kezinde eshkimdi qamamaýdy usynamyz. Bul endi bıznes jasap júrgen adamdar ǵoı. Olardyń qoǵamǵa degen, jeke adamǵa degen qaýpi joq. Olar qaıta bos júrse, óziniń bıznesin jalǵastyryp, adamdarǵa jumys oryndaryn saqtap qalady. Biraq bul jerde de bir erekshe jaǵdaı bar, ıaǵnı ol jalǵan aqsha jasaý, reıderlik jasaý nemese uıymdasqan qylmystyq toptarǵa qatyssa, bul turǵyda ekonomıkalyq qylmystardy bıznes dep aıtý qıyn. Sondyqtan olardy qamaýǵa alý qajet dep esepteımiz», - dep atap ótti Bas prokýror Qazaqstan Respýblıkasynyń keıbir zańnamalyq aktilerine quqyq qorǵaý qyzmetiniń protsestik negizderin jańǵyrtý máseleleri boıynsha ózgerister men tolyqtyrýlar engizý týraly» zań jobasy boıynsha baıandamasynda.
Sonymen qatar J. Asanov eskerilip otyrǵan taǵy bir jańalyqqa toqtaldy.
«Mysaly, búginde quqyq qorǵaý organy qyzmetkeriniń raporty negizinde qylmystyq is bastalyp ketedi. ıAǵnı, bir japyraq qaǵaz negizinde qylmystyq protsess bastalady. Árıne, bul durys emes. Endi bul zań jobasyna tıisti túzetý engizdik, ondaı qylmysty qozǵaý úshin eń aldymen, aýdıttiń, revızııanyń resmı aktisi kerek jáne ol aktide keltirilgen zalal men onyń mólsheri Qylmystyq kodekske saı bolýy tıis»,- dedi ol.
Talqylaýdan keıin palata depýtattary zań jobasyn birinshi oqylymda maquldady.
Esterińizge sala keteıik, bıyl qazan aıynda Memleket basshysy Konstıtýtsııanyń 61-babynyń 1-tarmaǵyna sáıkes Parlament Májilisiniń qaraýyna «Qazaqstan Respýblıkasynyń keıbir zańnamalyq aktilerine quqyq qorǵaý qyzmetiniń protsestik negizderin jańǵyrtý máseleleri boıynsha ózgerister men tolyqtyrýlar engizý týraly»zań jobasyn engizdi.
