Ekonomıkalyq qylmystar jasaǵan alaıaq Armenııadan Qazaqstanǵa ekstradıtsııalandy

ASTANA. QazAqparat - Búgin Bas prokýratýranyń jáne Memlekettik kirister komıtetiniń qyzmetkerleri Qazaqstan Respýblıkasynyń Armenııa Respýblıkasyndaǵy Elshiliginiń qoldaýymen Qazaqstan azamaty S.Manasıandy ekonomıkalyq qylmystar jasaǵany úshin qylmystyq jaýapkershilikke tartý maqsatynda ekstradıtsııalady.

58 jasar Sýren Manasıan qylmystyq top quramynda jalǵan kásipkerlikter qurǵany úshin, sonymen qatar bıýdjetke salyq tóleýden jaltarýǵa jaǵdaı jasaý nátıjesinde memleketke 200 mln. teńge somasynda asa iri mólsherde zalal keltirgeni úshin aıyptalýda.

Qazirgi ýaqytta Manasıan Astana qalasynyń tergeý oqshaýlaǵyshyna qamaýǵa alyndy, dep habarlady QR Bas prokýratýrasynyń baspasóz qyzmeti.