Ekonomıkalyq qylmysqa jáne sybaılas jemqorlyqqa qarsy kúres agenttigi tóraǵasynyń jubaıy Saltanat Ahanovaǵa qatysty baspasózde jarııalanǵan aqparat jalǵan - Bas prokýratýra
TANA. 1 qyrkúıek. QazAqparat /Aıdar Ospanálıev/ - Ekonomıkalyq qylmysqa jáne sybaılas jemqorlyqqa qarsy kúres agenttigi tóraǵasynyń jubaıy Saltanat Ahanovaǵa qatysty baspasózde jarııalanǵan aqparat jalǵan.
Bul týraly búgin jýrnalıstermen bolǵan brıfıngte Bas prokýratýranyń resmı ókili Jandos Ómirálıev málim etti.
Onyń sózinshe, 17 tamyz kúni Bas prokýratýraǵa S. Ahanova kelip, birqatar baspasóz betterinde ózi týraly jarııalanǵan málimetterdi tekserýdi suraǵan. Sondaı-aq, ol shet memlekette óziniń eshqandaıda esepshoty nemese jyljymaıtyn múlki joqtyǵyn aıtqan. «Biz bul máselege qatysty Birikken Arab Ámirlikteriniń quzyrly organdaryna suraý saldyq. Dýbaı qalasy departamentiniń bizdiń suraýymyzǵa bergen jaýabynda Dýbaıda S. Ahanovanyń eshqandaı da jyljymaıtyn múlki joqtyǵyn habarlady. Buǵan qosa «Dýbaıbank» bankiniń ókilderi resmı túrde S. Ahanovanyń ol bankten eshqandaı esepshot ashpaǵandyǵyn málimdedi.
Sondaı-aq, atalmysh bank Qazaqstandaǵy keıbir aqparat quraldarynda jarııalanǵan «Dýbaıbank» málimetteriniń kóshirmeleriniń jalǵan ekendigin jarııa etti»,-dedi J. Ómirálıev.
