Ekonomıkalyq erkindiktiń jalpy reıtınginde Qazaqstan 56-oryn aldy
ALMATY. 20 qyrkúıek. QazAqparat /Erlik Erjanuly/ - Búgin Erkin naryqtyń ortalyqazııalyq ınstıtýty (CAFMI) álemdegi ekonomıkalyq erkindiktiń jyl saıynǵy esebin jarııalady. Onda Qazaqstan bıyl 141 eldiń ishinde 56-orynǵa kóterildi. Byltyr 57-orynda bolatyn. Ekonomıkalyq erkindiktiń ortasha bally bıyl 6,97-den 7.04-ke deıin jetti. CAFMI sarapshylarynyń aıtýynsha,
Qazaqstan ekonomıkasynyń álsiz jaqtary - memlekettik kásiporyndar sanynyń kóptigi, sot júıesindegi jemqorlyq, menshik quqyna kepildiktiń álsizdigi, tarıftik emes saýdalyq kedergiler bolyp otyr.
«Amerıkandyq jáne Eýropalyq qaryzdyq daǵdarysqa jaýap retinde álemniń barlyq elderi óz ekonomıkasynda qate retteýlerge asyǵýda. Ol ekonomıkalyq erkindik pen qarjylyq saýyǵýǵa aıtarlyqtaı keri áserin tıgizýde», - deıdi CAFMI Atqarýshy dırektory Mırsýljan Namazalıev. Onyń aıtýynsha, ekonomıkalyq reıtıngtik jalpy reıtınginde Gonkong, Sıngapýr jáne Jańa Zelandııa kósh bastap kele jatyr. Al AQSh 6-dan 10-orynǵa túsip qaldy. Bul tizimdi Mıanma, Venesýela, Angola jáne Zımbabve túıindep tur.
