Ekonomıkalyq damý jáne saýda mınıstrligi munaı baǵasy 2012 jyly barreline 80 dollar bolady degen boljam jasap otyr
TANA. 13 qazan. QazAqparat /Aıdar Ospanalıev/ -«Sarapshylardyń munaı baǵasyna degen konservatıvti baǵalaýlary negizinde 2012 jyly munaı baǵasy bir barreline 80 AQSh dollaryn quraıdy degen boljam jasalynyp otyr.
Al 2013-2016 jyldarda 70 dollar deńgeıinde bolady. Tutastaı alǵanda bul álemdik ekonomıkadaǵy áleýmettik táýekeldermen sáıkes keledi», - deıdi Ekonomıkalyq damý jáne saýda vıtse-mınıstri Marat Qusaıynov. Bul týraly ol búgin Parlament Senatynda eldiń 2012-2016 jyldarǵa arnalǵan áleýmettik-ekonomıkalyq damýynyń boljamy men Qazaqstannyń ulttyq qorynan 2012-2014 jyldarǵa arnalǵan kepildendirilgen transfertine qatysty zań jobalarynyń tanystyrylymynda málim etti.
Vıtse-mınıstrdiń aıtýynsha, ishki jalpy ónimniń ósimi men qalalardaǵy naqty kólem ındeksiniń boljamdary 2012-2016 jyldary ındýstrııalandyrý kartasyna jáne ınvestıtsııalyq jobalardyń júzege asyrylýy men jańa óndiristerdi iske qosýdy esepke alǵanda, ekonomıkanyń 7 paıyzdyq ósimin qamtamasyz etetin ındıkatıvti kórsetkishterge sáıkes bolady. «Boljam boıynsha 2012 jyly nomınaldy jalpy ishki ónim 28,9 trıllıon teńgege, al 2016 jyly 44,7 trıllıon teńgege deıin ósedi. Sondaı-aq 2016 jyly syrtqy saýda aınalymy 165,8 mıllıard dollarǵa deıin ósýi múmkin. 2012-2016 jyldarǵa arnalǵan ekonomıkalyq saıasattyń negizgi maqsaty - 7 paıyzdan kem emes deńgeıde ekonomıkalyq ósimdi qamtamasyz etý», - dedi M.Qusaıynov.
