Ekonomıkalyq damý jáne saýda mınıstrligi Qazaqstan ónimderin eksporttaýdaǵy naryqty qamtamasyz etýge daıyn
ASTANA. Mamyrdyń 27-si. QazAqparat /Rýslan Ǵabbasov/- Ekonomıkalyq damý jáne saýda mınıstrligi Qazaqstan ónimderin eksporttaýdaǵy naryqty qamtamasyz etýge daıyn. Bul týraly búgin Parlament Senatynyń depýtattarymen kezdesý barysynda osy máselege baılanysty qoıylǵan saýalǵa jaýap berý kezinde Ekonomıkalyq damý jáne saýda mınıstri Janar Aıtjanova aıtty,
dep habarlaıdy QazAqparat.
«Árıne, Kedendik odaqta bizdiń kásipkerler úshin básekelestiktiń artýy basty máselelerdiń biri. Qazirgi kezde Reseımen arada eshqandaı kedergi joq. Óıtkeni, biz emin-kerkin saýda rejıminde jumys istedik. Sol kedergisiz taýarlar men qyzmetter kelip jatyr»,-dedi mınıstr.
Alaıda Qazaqstan úshin keıbir kedergi bolǵanyn eskerip ótken J. Aıtjanova, «aýyl sharýashylyǵy taýarlaryn biz olarǵa shyǵara almadyq. Qazir osy salada QR Aýyl sharýashylyǵy mınıstrligi óte jaqsy jumys istep jatyr. Atap aıtqanda Qazaqstan et jáne et ónimderin Reseı naryǵyna ótkizý turǵysynda aýqymdy sharalar atqarylýda», dedi.
«Sonymen qatar sol eksporttalatyn taýarlar elimizde jetkilikti túrde óndirilip jatyr ma?-degen saýal týyndaıdy. Aýyl sharýashylyǵy mınıstrligi naryq bolsa, taýar da bolady degen ustanymǵa bekinýde. Sondyqtan naryqty Ekonomıkalyq damý jáne saýda mınıstrligi retinde qamtamasyz etemiz, al taýardy salaǵa jaýapty vedomstvolar qamtasyz etýi tıis»,-dedi mınıstr.
