Ekonomıkalyq damý jáne saýda mınıstrligi elimizdiń ekonomıkasyn syrttan keletin qaýip-qaterlerden qorǵaýǵa daıyn - Q.Kelimbetov

Bul týraly ol búgin Parlament Májilisinde ótken «Biryńǵaı ekonomıkalyq keńistikke ıntegratsııalaný jáne álemdik ekonomıkanyń týrbýlenttiligi jaǵdaıynda Qazaqstan Respýblıkasynyń ortamerzimdik ekonomıkalyq saıasatynyń negizgi aspektileri» atty dóńgelek ústel otyrysynda málim etti.

Mınıstrdiń aıtýynsha, álemdik ekonomıkanyń daǵdarystan keıingi damý úderisindegi ózekti máselelerdiń biri - jahandyq ınflıatsııalyq úderister bolyp otyr. «Búkilálemdik bank málimetterinshe, ótken jyldyń tórtinshi toqsany men bıylǵy jyldyń tamyz aıyna deıin energııa resýrstaryna degen álemdik baǵa 31 paıyzǵa ósken. Sondaı-aq aýyl sharýashylyǵy ónimderi men azyq-túlik taýarlary 20 paıyzǵa artqan. ıAǵnı azyq-túlikke degen baǵanyń qazirgi deńgeıi óte joǵary bolyp otyr. Baǵanyń osynshama sharyqtaýy 2007 jyly ǵana baıqalǵan»,-dedi Q.Kelimbetov.

Onyń sózinshe, álemdegi azyq-túlik baǵalarynyń qymbattaýy usynys pen suranys arasyndaǵy tepe-teńdiktiń saqtalmaýynan jáne taýar naryǵyna alypsatarlyqtan túsken qarjyǵa baılanysty týyndap otyr. «Qazaqstanda jyl basynan beri ınflıatsııa qarqynynyń údep kele jatqandyǵy baıqalady. Jyl basynan beri tutynýshylarǵa arnalǵan taýarlar men qyzmetterdiń baǵasy 5,9 paıyzǵa artty. Al ótken jyly bul kórsetkish 4,6 paıyzdy quraǵan. Sondaı-aq tutynýshylarǵa arnalǵan taýar túrleriniń arasynda eń kóp qymbattaǵany azyq-túlik bolyp otyr. Olardyń baǵasy 8,1 paıyzǵa artqan. Sondaı-aq aqyly qyzmet túrleri 5,4 paıyzǵa, azyq-túlikke jatpaıtyn taýarlar 3,6 paıyzǵa qymbattady. Osyǵan baılanysty bıylǵy jyly ınflıatsııaǵa ımport faktorynyń áser etý jaǵdaıy baıqalyp otyr»,-dedi mınıstr.