Ekonomıkalyq damý jáne saýda mınıstrligi eki aptanyń ishinde ár sala boıynsha ekonomıkalyq ósimniń maqsatty kórsetkishteriniń esebin daıarlaýy tıis - Úkimet basshysy
ASTANA. 18 sáýir. QazAqparat /Rýslan Ǵabbasov/ - Premer-Mınıstr Kárim Másimov Ekonomıkalyq damý jáne saýda mınıstrligine eki aptanyń ishinde ár sala boıynsha ekonomıkalyq ósimniń maqsatty kórsetkishteriniń esebin daıarlaýdy tapsyrdy.
Mundaı tapsyrmany búgin K. Másimov Úkimet otyrysynda júktedi.
«Biz toqsan saıyn bul kórsetkishterdiń jetistikterin baqylaıtyn bolamyz. Sondyqtan eki aptanyń ishinde Úkimet otyrysynda osy máseleler boıynsha atalǵan mınıstrliktiń basshysy Qaırat Kelimbetov salalyq ár mınıstrlikter men vedomstvolar boıynsha jáne óńirlik ár oblystar boıynsha baıandaıtyn bolady»,-dedi Úkimet basshysy.
Aıta keteıik, keshe Úkimettiń keńeıtilgen otyrysynda Elbasy Nursultan Nazarbaev aldaǵy 5 jylda tabysy joǵary toptaǵy elderdiń quramyna kirý maqsatyn qoıǵan bolatyn. Ol úshin jyl saıynǵy ekonomıkalyq ósim 7 paıyz deńgeıinen kem bolmaýy tıis.
