Ekonomıkalyq saıasatty qaıta jańǵyrtýda aýqymdy jumys kútip tur - Toqaev
ASTANA. KAZINFORM – Qazaqstanǵa turaqty ósim modeli kerek. Bul týraly Úkimettiń keńeıtilgen otyrysynda Memleket basshysy Qasym-Jomart Toqaev málim etti.
- Atalǵan maqsatqa jetý úshin bizge buǵan deıingi ósimdi qanaǵat tutpaıtyn, qazirgi syn-qaterlerge jedel jaýap beretin, basymdyqtar egjeı-tegjeıli oılastyrylǵan ekonomıkalyq saıasat qajet. Basqasha aıtqanda, bizge turaqty ósim modeli kerek. Oǵan sáıkes, memleket naryqtyq ekonomıkanyń strategııalyq damý vektoryn naqty anyqtap, qolda bar qarjy resýrstaryn ekonomıkalyq ósim ákeletin basty salalarǵa baǵyttaýy qajet. Mundaı tásil ulttyq tabysty azamattarymyzǵa anaǵurlym tıimdi ári ádil bólýge múmkindik beredi. Ashyǵyn aıtqanda, men bul jaıynda kúnde oılanamyn, mamandarmen keńesemin, arnaıy ekonomıkalyq saraptamalardy oqımyn. Ekonomıkalyq jáne qarjylyq saıasatty qaıta jańǵyrtý boıynsha aýqymdy jumys kútip tur, - dedi Qasym-Jomart Toqaev.
Prezıdenttiń aıtýynsha, Úkimettiń taıaý aradaǵy mindeti – ónimdilikti arttyrý, tehnologııalyq jańarý jáne adamı kapıtaldy damytý esebinen ósimdi qamtamasyz etý, tabysty el ıgiligine jumsaý.
- Mundaı modeldi tek ınvestıtsııa saıasatyn jandandyrý, bıznestiń múddesin turaqty qorǵaý arqyly qurýǵa bolady. ıAǵnı bul saıasattyń túpki nátıjesi halyq tabysyn arttyrý, ekonomıkalyq derbestikti nyǵaıtý bolýǵa tıis, - dedi Memleket basshysy.
Osyǵan deıin Qasym-Jomart Toqaev Úkimettiń aldyndaǵy negizgi mindetti atady.
