«Ekonomıkalyq qýǵyn» operatsııasy Irandaǵy jaǵdaıǵa áser etti — AQSh
ASTANA. KAZINFORM — AQSh-tyń qarjy mınıstri Skott Bessent AQSh sanktsııalary men «Ekonomıkalyq qýǵyn» operatsııasy Tegerandaǵy jaǵdaıǵa, sondaı-aq Irannyń munaı mınıstri Mohsen Paknejadtyń kenetten otstavkaǵa ketýine áser etkenin málimdedi, dep habarlaıdy Kazinform agenttiginiń Vashıngtondaǵy menshikti tilshisi.
— Iranda jańa munaı mınıstri taǵaıyndaldy. Iran 25 tamyzdan beri bir barrel de shıki munaıdy kemege tıemegenin eskersek, munaı mınıstri ne isteıdi sonda? — dep jazba qaldyrdy Skott Bessent X jelisinde.
Buǵan deıin, 5 qazanda Bessent AQSh-tyń «Ekonomıkalyq qýǵyn» operatsııasy nátıje berip jatqanyn atap ótken bolatyn.
— «Ekonomıkalyq qýǵyn» operatsııasy óz jemisin berip jatyr: rıal rekordtyq dárejede quldyrady, Iran ótken aıda tankerlerge shıki munaı tıeı almady, tipti Irannyń qaýipsizdik salasyndaǵy joǵary laýazymdy sheneýnigi eldiń óz tarıhyndaǵy eń qıyn kezeńderdiń birin bastan keshirip jatqanyn moıyndady. Iran rejımi Tramp ákimshiliginiń terrorızmdi qarjylandyrýǵa nemese ıadrolyq qarýdy damytýǵa eshqashan jol bermeıtinin túsibeıinshe «Ekonomıkalyq qýǵyn» operatsııasy aıaqtalmaıdy, — dep jazdy Skott Bessent X jelisinde.
Buǵan deıin Kazinform AQSh pen Iran arasyndaǵy qarym-qatynasqa saraptama jasaǵan.
Iran úkimeti ekonomıkalyq qysymǵa baılanysty arnaıy jumys rejımine kóshti.
