Ekonomıkalyq yntymaqtastyq uıymynyń kelesi sammıti Ózbekstanda ótedi

8-9 qarashada Tashkentte Ózbekstan Respýblıkasynyń Prezıdenti Shavkat Mırzıeevtiń tóraǵalyǵymen Ekonomıkalyq yntymaqtastyq uıymynyń (EYU) on altynshy sammıti ótedi, dep habarlaıdy QazAqparat agenttigi UzA-ǵa silteme jasap.

Іs-sharaǵa Ázirbaıjan, Iran, Qazaqstan, Qyrǵyzstan, Pákistan, Tájikstan, Túrkimenstan jáne Túrkııanyń memleket jáne úkimet basshylary qatysady dep kútilýde.

Kún tártibine sáıkes saýda-ekonomıkalyq, ınvestıtsııalyq, kólik-kommýnıkatsııalyq jáne gýmanıtarlyq yntymaqtastyqty odan ári keńeıtý jáne osy kópjaqty qurylymnyń qyzmetin jetildirý máseleleri qaralatyn bolady.

Sammıt baǵdarlamasy aıasynda Ózbekstan Prezıdenti birqatar ekijaqty kezdesýler ótkizedi.

Aıta keteıik, Ekonomıkalyq yntymaqtastyq uıymy 1985 jyly qurylǵan, onyń turaqty hatshylyǵy Tegeranda ornalasqan.