Ekonomıkaǵa tartylǵan ınvestıtsııa kólemi shamamen 40%-ǵa artty – Oljas Bektenov

ASTANA. KAZINFORM –  Oljas Bektenov EADB basshysy Nıkolaı Podgýzovpen ınfraqurylymdyq jobalardy birlesip júzege asyrý máselelerin talqylady. 

Экономикаға тартылған инвестиция көлемі шамамен 40%-ға артты –  Олжас Бектенов
Фото: Үкімет

Qazaqstannyń Premer-mınıstri Oljas Bektenov Eýrazııalyq damý bankiniń basqarma tóraǵasy Nıkolaı Podgýzovpen kezdesý ótkizdi.

Kezdesý barysynda birlesken jobalardy júzege asyrý sheńberindegi yntymaqtastyq máseleleri talqylandy.

2024 jyldyń qorytyndysy boıynsha bank respýblıkadaǵy jobalarǵa shamamen $1,4 mlrd bóldi, jalpy alǵanda, sońǵy 3 jylda banktiń elge salǵan ınvestıtsııalar kólemi $3,6 mlrd-ty qurady. Osylaısha, Qazaqstandaǵy jobalar úlesi bank portfelinde mańyzdy oryn alýyn jalǵastyrýda.

Nıkolaı Podgýzov 2025 jyly bank tsıfrlyq tehnologııalar men ınnovatsııalyq sheshimderdi engizýge basa nazar aýdara otyryp, energetıka, kólik jáne ónerkásip salalaryndaǵy negizgi strategııalyq jobalardy qarjylandyrýdy jalǵastyrýǵa nıetti ekenin atap ótti.

Bıyl EADB Qazaqstannyń Ortalyq jáne Shyǵys óńirindegi JEO-ny keńeıtý jáne jańǵyrtý, polıetılen óndiretin zaýyt qurylysy, qýaty 545 MVt «Altyn Dala» kún elektr stansasyn salý sııaqty áleýmettik mańyzy bar jobalarǵa ınvestıtsııa salýdy josparlap otyr.

Premer-mınıstr Qazaqstannyń, ásirese energetıka, ınjenerlik jáne kommýnaldyq ınfraqurylym salalaryndaǵy yntymaqtastyqty odan ári keńeıtýge múddeli ekenin atap ótti.

- Eýrazııalyq damý banki – Qazaqstannyń mańyzdy seriktesi. Ótken jyly ekonomıkamyzǵa tartylǵan ınvestıtsııa kólemi shamamen 40%-ǵa artty. Banktiń Qazaqstandaǵy nesıe portfeli jalpy kólemniń 63,4%-yna deıin ósti. Biz bankpen ózara tıimdi sharttarda yntymaqtastyqty odan ári keńeıtýge múddelimiz. Sondaı-aq biz ózara is-qımyldyń dástúrli jáne jańa baǵyttarynyń áleýetin ashýǵa nıettimiz, - dep atap ótti Oljas Bektenov. 

Eske salsaq Qasym-Jomart Toqaev Premer-mınıstr Oljas Bektenovti qabyldaǵan edi

Сейчас читают