Ekonomıkaǵa qajetti mamandyqtardyń óńirlik kartalary jasalady - Álıhan Smaıylov
«Jańa kásiporyndar salyp, ınvestıtsııalyq jobalardy iske asyrý úshin ekonomıkaǵa joǵary bilikti mamandar qajet. Indýstrııanyń damýy birinshi kezekte, adamı kapıtaldyń sapasyna, onyń biliktilik deńgeıine baılanysty. Bizdiń elimizde Ulttyq jobalardy, Halyqtyń tabysyn arttyrý baǵdarlamasyn iske asyrý aıasynda 2 mln-nan astam jańa jumys ornyn qurý kózdelip otyr. Osyǵan oraı Memleket basshysy Qasym-Jomart Toqaev kadr daıarlaý júıesin qaıta baǵdarlaýǵa aıryqsha nazar aýdardy», - dep atap ótti Úkimet basshysy.
Ol úshin Á. Smaıylov básekege qabiletti bilim berý júıesin quryp, stýdent-jastardyń shetelde emes, óz elimizde qalýyna jaǵdaı jasaý keregin aıtty.
«Ekonomıkaǵa qajetti mamandyqtardyń óńirlik kartalaryn jasap, kásiporyndardyń kolledjderdi qamqorlyqqa alý tájirıbesin damytý josparlanyp otyr. Mektepterde oqýshylardy erte bastan kásipke beıimdeý jumystaryn júrgizý qajet. Kolledjder men joǵary oqý oryndary jastar men jumys berýshiler jáne ınvestorlar úshin «tartylys ortalyǵyna» aınalyp, dástúrli oqý baǵdarlamalaryn ǵana emes, qysqa merzimdi baǵdarlamalardy da usynýlary kerek», - dedi Álıhan Smaıylov.
Buǵan deıin QR Bilim jáne ǵylym mınıstri Ashat Aımaǵambetov Qazaqstanda 406 kásiporyn 406 kolledjdi óz qamqorlyǵyna alǵanyn aıtqan edi.
Sonymen birge, elimizde 2 jylda maman ázirleıtin «Qoldanbaly bakalavrıat» pılottyq jobasy bastalady.
