Ekonomıkadan VI respýblıkalyq týrnırdiń qorytyndysy shyqty

Ony Qazaqstan Respýblıkasy Bilim jáne ǵylym mınıstrliginiń «Daryn» respýblıkalyq ǵylymı-praktıkalyq ortalyǵy «Djýnıor Echıvment Kazaqstan» qoǵamdyq qorymen birlese otyryp uıymdastyrǵan.

Birinshi oryndy qaraǵandylyq 11-shi synyp oqýshysy Evgenıı Sabko aldy. Ol endi Qazaqstan-Brıtan tehnıkalyq ýnıversıtetiniń bilim grantynyń ıegeri atandy. Ekinshi oryndy taǵy bir qaraǵandylyq 11-shi synyp oqýshysy Sergeı Potapov aldy. Ol Qaztutynýodaǵy Qaraǵandy ekonomıkalyq ýnıversıtetiniń bilim grantyn jeńip aldy. Taǵy bir ekinshi oryndy taldyqorǵandyq 11 synyp oqýshysy Gýlfııa Gırıfýllına aldy. Ol Halyqaralyq bıznes ýnıversıtetiniń bilim grantynyń ıegeri atandy.

Úshinshi oryndy úsh jeńimpaz bólisti. Olar pavlodarlyq 11-shi synyp oqýshysy Saılaý Qýanysh, oǵan Halyqaralyq bıznes akademııasynyń bilim granty tıdi. Astanalyq 11-shi synyp oqýshysy Nazarova Malıka, ol Almaty ekonomıka jáne stıtıstıka akademııasynyń 50% bilim grantynyń ıegeri atandy. Sonymen qatar, taǵy bir taldyqorǵandyq 11-shi synyp oqýshysy Omarbek Altynaı, oǵan Qazaqstan-Brıtan tehnıkalyq ýnıversıtetiniń 50 % bilim granty tıdi.

Respýblıkalyq jarys sheńberinde qarjy is-áreketi boıynsha «Bank is-áreketi» fınaldyq oıyny ótti. Munda birinshi, ekinshi oryndardy Taraz qalasynyń oqýshylary jeńip aldy. Al úshinshi oryndy Astana qalasynyń oqýshylary ıelendi.

Jarystyń maqsaty - ekonomıka negizderin ǵylymı turǵyda meńgerýge qyzyǵýshylyq tanytatyn qabiletti oqýshylardy anyqtap, olarǵa qoldaý kórsetý jáne damytý; ekonomıka salasynda daryndy oqýshylardy beıindik daıyndaý; oqýshylardyń ǵylymı-zertteý qyzmetine qyzyǵýshylyǵyn arttyrý jáne ekonomıkalyq bilim berýdiń mańyzdylyǵyn túsindirip taratý.

Basynda habarlaǵanymyzdaı jarysqa erejege sáıkes elimizdiń barlyq aımaqtarynan 10-11-shi synyp oqýshylar komandalary qatysty.

Respýblıkalyq jarys 3 kezeńde ótti. Olar: esse jumys jazý; teorııalyq kezeń - esepterdi shyǵarý; praktıkalyq kezeń - týrnırge qatysýshylarmen on-lin túrde «Tıtan» oıyny ótkizildi (menedjment jáne ekonomıkany kompıýterlik úlgileý).

Atalmysh jarys «Nur Otan» halyqtyq demokratııalyq partııasynyń aqparattyq qoldaýymen ótkizildi.