Ekonomıkadaǵy shaǵyn jáne orta bıznes úlesi 35 paıyzǵa jetedi - mınıstr

NUR-SULTAN. QazAqparat – Ulttyq ekonomıka mınıstri Rýslan Dálenov el ekonomıkasynda shaǵyn jáne orta bıznes úlesin arttyrý boıynsha josparmen bólisti, dep habarlaıdy QazAqparat tilshisi.

«2019 jyly JІÓ-da shaǵyn jáne orta bıznes úlesi 30,8 paıyz boldy. 2015 jyly bul kórsetkish 24,9 paıyz edi. Bizdiń maqsat – shaǵyn jáne orta bıznestiń ekonomıkadaǵy úlesin 2025 jyly 35 paıyzǵa jetkizý. Bızneske tartylǵandar sany jyl saıyn artyp keledi. Búginde bul salada 3,4 mln adam qyzmet etýde», - dedi mınıstr onlaın rejımde halyq aldynda esep berý barysynda.

Onyń aıtýynga, básekelestik úshin jaǵdaı jasaý baǵytynda mınıstrlik júıeli sharalar qolǵa alǵan. Osy oraıda naryqta bıznes jumysy úshin kedergilerdi joıý jáne memlekettik qatysý úlesin tómendetý eskerilgen. Básekelestikti damytýǵa kedergi keltiretin zańnamalyq normalarǵa revızııanyń ekinshi kezeńi júrgizildi.

Budan buryn habarlanǵandaı, R. Dálenov «Bıznestiń jol kartasy - 2025» aıasynda shaǵyn bıznesti qoldaýdyń jańa baǵyty iske asyrylatynyn aıtty.