Ekonomıkadaǵy ınflıatsııalyq qysym saqtalyp otyr — Ulttyq bank

— Bıyl aqpanda ınflıatsııa 12,2 paıyzdan 11,7 paıyzǵa deıin tómendedi. Tutyný sebetiniń barlyq negizgi quramdas bólikteri boıynsha baıaýlaý baıqalady. Degenmen ınflıatsııa áli de qos tańbaly deńgeıde, ıaǵnı ekonomıkadaǵy ınflıatsııalyq qysym saqtalyp otyr. Jalpy, ınflıatsııanyń tómendeýine birshama qatań aqsha-kredıt saıasaty, kommýnaldyq qyzmetter men janar-jaǵarmaı baǵasyna engizilgen moratorıı, sondaı-aq ótken jyldyń sońynan beri teńge baǵamynyń turaqtanýy áser etti, — dedi ol.

Onyń málimetinshe, eń aıqyn baıaýlaý qyzmet kórsetý sektorynda baıqalyp, servıstik ınflıatsııa qańtardaǵy 12 paıyzdan 10,8 paıyzǵa deıin tómendedi. Azyq-túlikke jatpaıtyn taýarlar ınflıatsııasy da azdap baıaýlap, 11,6 paıyzdy qurady. Azyq-túlik ınflıatsııasy qatarynan ekinshi aı tómendep, aqpanda 12,7 paıyz boldy.

— Alaıda bul komponent baǵanyń jalpy ósýine áli de kóp úles qosyp, halyqtyń ınflıatsııalyq kútýlerine aıtarlyqtaı áser etip otyr. Jalpy ınflıatsııa kórsetkishi tómendegenimen, onyń turaqty bóligi baıaý ózgeredi. Muny baǵanyń qazirgi dınamıkasy da kórsetip otyr. Aqpanda aılyq ınflıatsııa 1,1 paıyz boldy. Bazalyq jáne maýsymdyq túzetilgen ınflıatsııa sońǵy úsh aı boıy 0,8 paıyz deńgeıinde saqtalyp, tómendeý belgilerin kórsetken joq. Halyqtyń bir jyl aldaǵy ınflıatsııa boıynsha kútýleri joǵary ári qubylmaly kúıinde qalyp otyr. Aqpanda ol 14,2 paıyzdan 13,7 paıyzǵa azdap tómendedi. Respondentterdiń jartysynan kóbi bolashaq ınflıatsııanyń naqty deńgeıin baǵalaýda áli de qınalady. Uzaq merzimdi kútýler 14,6 paıyzǵa deıin tómendedi. Al kásibı qatysýshylardyń 2026 jylǵa arnalǵan ınflıatsııa boljamy 10 paıyz deńgeıinde, — dedi Tımýr Súleımenov.

Esterińizge sala ketsek, Ulttyq bankiniń Aqsha-kredıt saıasaty komıteti bazalyq mólsherlemeni +/- 1 p. t. dálizimen jyldyq 18% deńgeıinde belgileý týraly sheshim qabyldady.