Ekonomıkada dál josparlaýdyń deńgeıin kóterý kerek
ALMATY. Sáýirdiń 2-ci. QazAqparat /Erlik Erjanuly/ - Ekonomıka ólshemsiz emes. Bul Almatyda ótken «Daǵdarystan keıingi damý: jańa onjyldyqtaǵy jańa múmkindikter» dep atalatyn dóńgelek ústel jıynynda aıtyldy,
dep habarlaıdy QazAqparat.
«Ulttyq ekonomıka - mononysan emes. Bul kóptegen aımaqtyq ekonomıkalar. Ol shekteýsiz emes. Biz óte dál áreketterdi jasaýmyz kerek. Bul úshin dál josparlaýdyń deńgeıin kóterý kerek», deıdi QR Prezıdenti janyndaǵy Memlekettik basqarý akademııasynyń Memlekettik jáne jergilikti basqarý ınstıtýty dırektorynyń orynbasary Álııa Kenjebaeva. Onyń paıymdaýynsha, qoǵamdaǵy qordalanǵan áleýmettik máseleler aýqymdy jáne ǵalamdyq baǵdarlamalarmen emes, tek dál josparlarmen ǵana sheshiledi. Bul týraly Kanadanyń áıgili ekonomısteri ǵalamdyq deńgeıde oılap, jergilikti deńgeıde áreket jasaý kerek deıdi. Ókinishke oraı, bizde jahandaný kóp. Olar kóp jaǵdaıda jergilikti jaǵdaıǵa sáıkestendirilmegen. Sondyqtan olardyń nátıjesi kóbine o basta oılaǵandaı joǵary deńgeıde bolmaýda.
