Ekonomıkada da, geosaıasatta da qarapaıym sheshimder bolmaıdy - N.Nazarbaev
ASTANA. QazAqparat - Ekonomıkada da, geosaıasatta da qarapaıym sheshimder bolmaıdy. Búgin Parlamenttiń VI shaqyrylymynyń birinshi sessııasynyń ashylýyna arnalǵan QR Parlamenti palatalarynyń birlesken otyrysynda Elbasy Nursultan Nazarbaev osylaı dedi.
«Parlamenttiń jańa quramy aıryqsha qıyn jaǵdaıda jumys isteı bastaıdy. Ózderińiz de biletindeı, kórip otyrǵandaı búkil álemde kópdeńgeıli daǵdarys ýshyǵyp tur. Birinshiden, álemdik saýda-qarjy naryǵy boljamsyz bolyp tur. Bul Qazaqstan ekonomıkasyna teris áser etedi, Qazaqstannyń jahandyq ekonomıkasyna qosylýynyń obektıvti baǵasy bolyp sanalady. Ekinshiden, tipti baqýatty elderdiń ózine qatysty túrli áleýmettik problemalar ósip keledi», - dedi QR Prezıdenti.
Elbasy bul problemalardyń jumyssyzdyqtyń órshýi, bosqyndardyń jańa jahandyq máseleleri ekendigin atap ótti.
«Qazir tolyqtaı alǵanda álem damýynyń kúrdeli kezeńi. Qarapaıym sheshimder ekonomıkada da, geosaıasatta da, eshkimge de bolmaıdy. Bul rette qandaı da qıyl qalyptastyrdyń qajeti joq. Ashyǵyn aıtaıyn, teńgerimdi memlekettik sheshimsiz, osydan úsh jyl buryn biz jańa zańdar men strategııalyq baǵdarlamalarsyz jaǵdaı munan da barynsha dramalyq turǵyda órbir edi», - dedi Memleket basshysy.
Osy rette QR Prezıdenti elimizdiń strategııalyq maqsattary men taktıkalyq mindetterine «Strategııa-2050», «Nurly jol» memlekettik baǵdarlamalary men Ult jospary jatatyndyǵyn aıtty.
