Ekonomıka salasynyń úzdik mamandaryn marapattaıtyn jańa nagrada bekitilmek

ASTANA. QazAqparat – Elimizdiń ulttyq ekonomıkasyn damytýǵa eleýli úles qosqan azamattardy marapattaýǵa arnalǵan «Ekonomıka salasyn damytýǵa qosqan úlesi úshin» jańa medal bekitilmek. Bul týraly Mádenıet jáne sport mınıstrligi ashyq talqyǵa shyǵarǵan Úkimet qaýlysynda jazylǵan, dep habarlaıdy QazAqparat tilshisi.

«Ekonomıka salasyn damytýǵa qosqan úlesi úshin» medalimen qyzmetin minsiz júzege asyratyn jáne QR ulttyq ekonomıkasyn damytýǵa jáne nyǵaıtýǵa eleýli úles qosqan, ekonomıka salasyndaǵy jańa baǵdarlamalar men jobalardy ázirlegeni jáne iske asyrǵany, ekonomıkany damytýǵa baǵyttalǵan memlekettik baǵdarlamalar men ulttyq jobalardy iske asyrý ádisterin jetildirgeni úshin, asa mańyzdy jáne kúrdeli mindetterdi oryndaǵany úshin, sondaı-aq qyzmettik mindetterin úlgili oryndaǵany úshin kásibıligi joǵary jumyskerler, shetel azamattary jáne ózge de adamdar marapattalady», - delingen qujatta.

Qujatqa qosymsha berilgen túsindirmede bul bastama ekonomıka salasynda qyzmet etetin bilikti mamandardy yntalandyrýǵa, kótermeleýge baǵyttalǵany jazylǵan.

Qujat 24 naýryzǵa deıin ashyq talqylaýda bolady.