Ekonomıka salasyndaǵy Nobel syılyǵyn frantsýz ekonomısi ıelendi
ASTANA. QazAqparat - Shvetsııada ekonomıka salasyndaǵy Nobel syılyǵynyń laýreaty anyqtaldy, dep jazady 24.kz.
Ýaqyt ótken saıyn adamzat úshin ózektiligi ótkirlenip kele jatqan bul saladaǵy júlde frantsýz ekonomısi Jan Tırolge berildi. Nobel komıtetiniń nazaryna professordyń «Naryqtyq bılik pen salalardy retteý saraptamasy» atty eńbegi ilikken.
«Kóptegen salalarda iri fırmalar men monopolııalar jıi ústemdik tanytady. Bul naryqtaǵy retteýdiń bolmaýy áleýmettik jaǵynan qolaısyz saldarǵa ákep soqtyrady. Sonyń kesirinen baǵalar sharyqtap, atalǵan fırmalar básekelesteriniń naryqqa kiretin jolyn birjola jabady. Al Tıroldiń zertteýleri sol naryqty retteýge jol ashady delingen komıtettiń press-relızinde.
XXIǵasyr bastalǵaly beri ekonomıka salasyndaǵy Nobel syılyǵy tek amerıkalyqtarǵa berilip keldi. Sol sebepti frantsýz ǵalymynyń ony ıelenýi - erekshe atap óterlik jaıt.
