Ekonomıka salasynda bıylǵy Nobel syılyǵyn kim ıelendi
Premııa aýktsıon teorııasyn jasaǵan amerıkalyq ekonomıster Pol Mılgrom men Robert Ýılsonǵa beriledi.
72 jastaǵy Mılgrom men 83 jastaǵy Ýılson bıylǵy syılyqqa negizgi úmitkerlerdiń biri sanalǵan edi. Nobel komıteti bul marapat «aýktsıon teorııasyn tolyqtyryp jasap shyǵarǵany úshin» berilip otyrǵanyn habarlady.
Bul teorııa adamdardyń aýktsıon tıpindegi naryqta ózin qalaı ustaıtynyn, qalaı áreket etetinin sıpattaıdy. Ǵalymdardyń bul eńbegin ómirdiń basqa da jaǵdaılarynda qoldanýǵa bolady.
«Aýktsıonnyń jańa formaty - qarapaıym zertteýdiń keıinnen qoǵamǵa paıdasyn tıgizetin qanshama ónertabystarǵa negiz bola alatynyn kórsetetin tamasha úlgi» delingen Shved akademııasy taratqan habarlamada.
Ótken jyly bul syılyqty Garvardtan Maıkl Kremer jáne Massachýsets tehnologııa ısntıtýtynan erli-zaıypty Ester Dıýflo men Abhıdjıt Banerdjı jeńip alǵan bolatyn. Olar kedeılikpen kúreste tıimdi ádis oılap tapqan edi.
Aıta keteıik, bıylǵy Nobel syılyǵyn tapsyrý saltanaty 10 jeltoqsanda onlaın ótedi.
