Ekonomıka ornyqty ósip keledi: Álıhan Smaıylov qazaqstandyqtardy Jańa jylmen quttyqtady
Premer-Mınıstr Álıhan Smaıylov qazaqstandyqtardy Jańa jyl merekesimen quttyqtady, dep habarlaıdy Kazinform Úkimettiń baspasóz qyzmetine silteme jasap.
«Qurmetti qazaqstandyqtar!
Barshańyzdy kelip jetken 2024 jylmen shyn júrekten quttyqtaımyn! Jańa jyl - bul ótkendi saralap, bolashaqqa baǵdar qurýdyń múmkindigi, óıtkeni biz bul merekemen úkili úmitterimiz ben asqaq armandarymyzdy baılanystyramyz.
2023 jyl kóptegen azamattarǵa tolaǵaı tabystar men jetistikter alyp keldi. Ótken jyl elimiz úshin de jarqyn bastamalarǵa toly boldy.
Ekonomıka ornyqty ósýde. Bıznes orta belsendi damyp, ındýstrııalyq jáne ınfraqurylymdyq jobalar júzege asyrylýda. Qazaqstan sheteldik ınvestorlar úshin tartymdy bolyp qala beredi jáne Ortalyq Azııa aımaǵyndaǵy tikeleı sheteldik ınvestıtsııalardyń jalpy aǵyny boıynsha sózsiz kóshbasshy.
Memleket basshysy Qasym-Jomart Toqaevtyń elimizdiń áleýmettik-ekonomıkalyq damýy, qazaqstandyqtardyń ál-aýqaty men ómir súrý sapasyn arttyrý jónindegi aýqymdy mindetterin júzege asyrýda nátıjeli jumystar atqaryldy.
2024 jyl - jańa bastamalar men olardy iske asyrý kezeńi.
Jyldyń qalaı bolary, ne kútetinimiz kóp jaǵdaıda ózimizge baılanysty. Biz jaqyndarymyzdy qýantyp qana qoımaı, elimizdiń qaryshtap damýyna da úles qosýǵa kúshimiz jetedi.
Jańa jylda ótken jyldyń úzdik dástúrleri men jetistikterin, tatýlyq pen birlik, óz kúshimizge jáne Qazaqstannyń bolashaǵyna degen senimdi alyp júrý mańyzdy.
Barshańyzǵa shyn júrekten zor densaýlyq, kóterińki kóńil-kúı jáne barlyq josparlaryńyzdyń oryndalýyn tileımin!»-delingen Premer-Mınıstrdiń quttyqtaýynda.
