Ekonomıka mınıstrliginiń quzyryna bıýdjettik josparlaý qyzmeti, ınvestıtsııa jáne kóshi-qon salasyndaǵy memlekettik saıasatty qalyptastyrý máseleleri berildi
ASTANA. 17 qańtar. QazAqparat - Memlekettik organdardy qaıta qurýdyń nátıjesinde Ekonomıka jáne bıýdjettik josparlaý mınıstrliginiń quzyryna buryn Qarjy mınıstrliginiń qaraýynda bolǵan bıýdjettik josparlaý salasyndaǵy fýnktsııalar men ókilettilikter berildi, dep habarlady QR Premer-Mınıstriniń resmı saıty.
Indýstrııa jáne jańa tehnologııalar mınıstrliginiń qaraýynda bolǵan ınvestıtsııalardy qoldaýdyń jáne qolaıly ınvestıtsııalyq ahýal jasaýdyń memlekettik saıasatyn qalyptastyrý salasyndaǵy fýnktsııalar men ókilettilikter de qosa berildi.
Ekonomıka jáne bıýdjettik josparlaý mınıstrligi sondaı-aq endi buryn Qazaqstan Respýblıkasy Іshki ister mınıstrliginiń quzyrynda bolǵan halyqtyń kóshi-qony aıasyndaǵy memlekettik saıasatty qalyptastyrý máselesimen aınalysatyn bolady.
«Ekonomıka mınıstrligi strategııalyq jáne ekonomıkalyq josparlaýdy eskere otyryp kóshi-qon caıasatyn keshendi iske asyrýmen aınalysatyn bolady», - dedi búgin Úkimet otyrysynda sóz sóılegen Premer-Mınıstr Serik Ahmetov.
«Jańadan qurylǵan memlekettik organdar Memleket basshysynyń Jarlyǵyn iske asyrý jónindegi qajetti basqa da sharalardy qabyldaýlary kerek. Barlyq uıymdastyrý máselelerin sheship, jumysqa dereý kirisýimiz kerek. Prezıdent aldymyzǵa mańyzdy mindetter qoıyp otyr, jáne ol mindetter naqty, sapaly jáne belgilengen merzimde oryndalýy tıis», - dep mindettedi S.Ahmetov.
