Ekonomıka mınıstrligi paıdaly qazbalar óndirisi salyǵyn 1,3 ese ósirýdi usyndy

NUR-SULTAN. QazAqparat – Prezıdent Qasym-Jomart Toqaevtyń tóraǵalyǵymen ótken Reformalar jónindegi joǵary keńestiń otyrysynda Ulttyq ekonomıka mınıstrligi paıdaly qazbalar óndirisi salyǵyn 1,3 ese ósirýdi usyndy, dep habarlaıdy QazAqparat.

Jında memlekettik bıýdjettiń kiris bóligin kúsheıtý jónindegi birinshi másele boıynsha Ulttyq ekonomıka mınıstri Álibek Qýantyrov baıandama jasady.

Onyń aıtýynsha, bıýdjetke túsetin qosymsha kiristerdi qamtamasyz etý maqsatymen qatty paıdaly qazbalardyń úsh túrine salynatyn paıdaly qazbalar óndirisi salyǵynyń mólsherlemesin ortasha eseppen 1,3 ese ósirý usynylady. Bul bıýdjetke túsetin kiristi 300 mıllıard teńgege arttyrýǵa múmkindik beredi.

Mınıstr kapıtaldy syrtqa shyǵarýǵa jol bermeý, sheteldik kompanııalardyń tabysyna jáne tsıfrlyq maınıngke salyq salý sharalaryn engizýdi usyndy. Budan bólek memlekettik bıýdjetke túsetin qosymsha kirister transferttik baǵa belgileýdi qadaǵalaý sharalaryn, keden men salyq baqylaýyn kúsheıtýdi qamtamasyz etýge baǵyttalǵan.