Ekonomıka mınıstrligi monopolıster qyzmetin zańmen retteýdi usyndy
«Taǵy bir baǵyt - tabıǵı monopolııa men kvazımemlekettik sektordyń sýbektileriniń mindetti qyzmetterin reformalaý. Qazirgi ýaqytta zańdy jáne jeke tulǵalar tabıǵı monopolııa sýbektilerimen, atap aıtqanda temirjol, elektrmen qamtý qyzmeti uıymdarymen birlese jumys júrgizedi. Jelige qosylý, sharttardy alý - óz bıznesin damytýdyń naqty qadamdary. Qazir mundaı qyzmetterdi kórsetý zańnama turǵysynan rettelmegen. Tájirıbe júzinde mundaı jumystar ishki buıryqtar men tártipter arqyly júzege asyrylyp jatady . Sondyqtan, anyqtalǵan 75 qyzmetke reglament jasaý usynylyp otyr», - dedi QR UEM basshysy Tımýr Súleımenov Parlament Májilisinde kásipkerlik qyzmetti retteýdi jetildirý máseleleri boıynsha zań jobasyn túsindire otyryp.
Mınıstr atalǵan qyzmetterge baqylaý jasaýdy QR Ulttyq ekonomıka mınıstrliginiń Tabıǵı monopolııalardy retteý, básekelestikti jáne tutynýshylardyń quqyqtaryn qorǵaý komıtetinen júkteýdi usyndy. Osylaısha, sýbektilerdiń qarym-qatynasy kezinde kásipkerlerdiń quqyǵy qorǵalatyn bolady.
