Ekonomıka mınıstrligi Qazaqstandaǵy ınvestor-memleketterdiń úzdik ondyǵyn atady
ASTANA. QazAqparat - QR Ekonomıka jáne bıýdjettik josparlaý mınıstrligi Qazaqstan ekonomıkasyna belsendi túrde ınvestıtsııa quıyp kele jatqan 10 memleketti atady.
Búgin QR Prezıdenti janyndaǵy Ortalyq kommýnıkatsııalar qyzmetinde QR EBJM syrtqy saýda qyzmetti damytý departamentiniń dırektory qyzmetin atqarýshy Álııa Álimbetova habarlaǵanyndaı, Qazaqstan álemde ınvestorlar úshin asa tartymdy elderdiń qataryna enip otyr. 2013 jyly Qazaqstan ekonomıkasyna tartylǵan ınvestıtsııalardyń jalpy kólemi 180 mlrd. dollarǵa jetti.
"Iri shetel ınvestıtsııalary Nıderlandydan, Germanııadan, AQSh-tan, Ulybrıtanııadan, Frantsııadan, Japonııadan, Reseıden, Qytaıdan, Kanadadan jáne ózge de elderden keledi. Bul - ınvestıtsııalar eń kóp tartylatyn elderdiń tizimi", - dep atap ótti ol. Onyń sózine qaraǵanda, 2013 jyly Qazaqstannyń saýda aınalymy 132 mlrd. dollardy quraǵan. Negizgi saýda áriptesteri, ádettegideı, jalpy taýar aınalymynyń 41 paıyzyn alyp otyrǵan Eýroodaq elderi. Reseı - 17,9, Qytaı - 17 paıyz. Shveıtsarııa men Ýkraınanyń da bul tizimde eleýli orny bar.
