Ekonomıka mınıstri : Kapıtaldy kóp qajet etetin salalardy ınvestıtsııalaýǵa basymdyq berý kerek
Bul týraly búgin ótken Úkimet otyrysynda Ekonomıka jáne bıýdjettik josparlaý mınıstri Erbolat Dosaev málim etti.
«Jumyssyzdyq deńgeıiniń ósýine jol bermeý jáne halyqtyń ekonomıkalyq belsendiligin yntalandyrý maqsatynda aǵymdaǵy jyldyń sońyna deıin Eńbek jáne halyqty áleýmettik qorǵaý mınıstrligi jergilikti atqarýshy jáne memlekettik organdarmen birlese otyryp, halyqty «Jumyspen qamtý-2020» jol kartasynyń is-sharalarymen barynsha qamtýdy qamtamasyz etý qajet», - dedi mınıstr. Sonymen qatar, E. Dosaev ekonomıkada damýdyń josparlanǵan ólshemderine qol jetkizý jáne belsendilikti qoldaý úshin qurylys, ınfraqurylymdy damytý jáne aýyl sharýashylyǵy sııaqty ekonomıkanyń kapıtaldy kóp qajet salalaryn ınvestıtsııalaýǵa negizgi kúshti salý kerektigine nazar aýdardy.
«Osyǵan baılanysty, Óńirlik damý mınıstrligi jergilikti atqarýshy organdarmen birlesip «Turǵyn úı-kommýnaldyq sharýashylyǵyn jańǵyrtý» jáne «Qoljetimdi baspana - 2020» baǵdarlamalaryn iske asyrýdy jáne olardy iske asyrýǵa bólingen qarajatty ıgerý boıynsha túbegeıli sharalardy qabyldaýy qajet», - dedi E. Dosaev.