Ekonomıka mınıstri elimizdegi ınflıatsııa týraly aıtty

ASTANA. QazAqparat - Aǵymdaǵy jyldyń basynan beri ınflıatsııa deńgeıi jańa 5-7 paıyz aralyǵynda saqtalyp otyr. Bul týraly búgin Úkimettiń selektorlyq rejımdegi otyrysynda 2018 jylǵy 8 aılyq ınflıatsııa jaıynda baıandaǵan Ulttyq ekonomıka mınıstri Tımýr Súleımenov aıtty, dep habarlaıdy QazAqparat tilshisi.

«Aǵymdaǵy jyldyń basynan beri ınflıatsııa deńgeıi jańa 5-7 paıyz aralyǵynda saqtalyp otyr. Tamyz aıynda ınflıatsııa 0,2 paıyzdy qurasa, jyldyń basynan 2,9 boldy. Jyldyq ınflıatsııa 6,0 paıyz boldy. Aǵymdaǵy jyldyń basynan beri 2017 jyldyń sáıkes kezeńimen salystyrǵanda, ınflıatsııanyń barlyq quramdaýyshtary boıynsha baǵa ósýiniń báseńdegeni baıqalyp otyr. Azyq-túlik taýarlaryna baǵa ósýi 2,3 paıyzdy qurady. Azyq-túlik emes taýarlaryna - 3,6. Aqyly qyzmetterge baǵalar men tarıfter 3,0 paıyz boldy», - dedi mınıstr.

Onyń aıtýynsha, sońǵy úsh aıda azyq-túlik taýarlaryna baǵanyń tómendegeni baıqalyp otyr. Bul ınflıatsııa quramdaýyshtarynyń ishinde eń tómen mánge ákeldi. Azyq-túlik emes taýarlaryna baǵanyń eń kóp óskeni tirkeldi. Bul rette, dızel otynyna, aıaq kıimge, suıytylǵan gazǵa, medıkamentterge jáne turmystyq buıymdarǵa baǵanyń óskeni baıqalyp otyr.

Baǵa aqyly qyzmetterge ortasha qarqynmen ósti. Aqyly qyzmetterdiń ishinde baǵanyń eń kóp óskeni áýe jáne temir jol kóligi qyzmetterine, quqyqtyq qyzmetterge tirkeldi. Sondaı-aq, avtomobılderge tehnıkalyq qyzmet kórsetýge jáne qonaq úı qyzmetterine baǵa tómendedi.

«Jyl basynan beri óńirlik bóliniste joǵary ınflıatsııa deńgeıi ortasha respýblıkalyq deńgeıden shamamen 1 paıyzdyq tarmaqqa asyp, Atyraý, Mańǵystaý óńirlerinde baıqalady. Ortasha respýblıkalyq deńgeıden Soltústik Qazaqstan, Qyzylorda, Astana jáne Pavlodarda az ǵana  asty»,-  dedi Tımýr Súleımenov.