Ekonomıka mınıstri azyq-túlikti qymbattatpaý sharalaryn usyndy
Mınıstrdiń aıtýynsha, bul saladaǵy óndiristiń artýy 16 óńirde tirkeldi. Ásirese, eń joǵarǵy ósý Mańǵystaý, Soltústik Qazaqstan, Jambyl oblystarynda baıqalsa, Qostanaı oblysynda tómendeý bar.
«7 ekonomıkalyq kórsetkish boıynsha óńirler arasynda jalpy jaǵdaı mynadaı: Barlyq kórsetkishter boıynsha oń ósý 3 óńirde – Shymkent qalasy, Qaraǵandy jáne Soltústik Qazaqstan oblystarynda. 6 kórsetkish boıynsha ósim 8 óńirde, olar – Almaty jáne Nur-Sultan qalalary, Almaty, Qyzylorda, Shyǵys Qazaqstan, Pavlodar, Aqmola jáne Aqtóbe oblystary», - dedi Á. Qýantyrov Úkimettiń búgingi otyrysynda.
Sonymen birge, mınıstr ortalyq jáne jergilikti atqarýshy organdarǵa kelesi sharalarǵa kóńil bólýdi usyndy.
«Azyq-túlikti qoljetimdi etý men áleýmettik mańyzy bar azyq-túlik baǵalarynyń shamadan tys ósýin boldyrmaý boıynsha júıeli jumys júrgizý kerek. Shıkizattyq emes sektor ınvestorlary úshin barlyq qajetti basymdyqtardy berip, ınvestıtsııalardy qoldaýǵa keshendi qaraý kerek. Qolda bar resýrstar men quraldardy tıimdi paıdalanyp, egis ónimderin ýaqtyly jınaýdy qamtamasyz etken jón. Jańa saýda naryqtaryn izdep, qazaqstandyq eksporttyń úzdiksiz jetkizilýine qoldaý kórsetip, bıznespen sapaly ózara is-qımyl jasap, memlekettik qoldaý quraldaryn usyný qajet. Bul sharalardy tolyq iske asyrý el ekonomıkasynyń ósýin jedeldetýge múmkindik beredi», - dedi Álibek Qýantyrov.
Aıta keteıik, Úkimette Qazaqstannyń qańtar-shilde aılaryndaǵy áleýmettik-ekonomıkalyq damý qorytyndysy qaralyp jatyr. QR Ulttyq ekonomıka mınıstri Álibek Qýantyrovtyń baıandaýynsha, atalǵan kezeńde Qazaqstan ekonomıkasy 3,3%-ke ósken.
Sonymen birge, qańtar-shilde aılarynda Qazaqstandaǵy óndiris kólemi 4,9%-ke artty .
