Ekonomıka mınıstri ınflıatsııany qalaı azaıtatynyn aıtyp berdi

ASTANA. KAZINFORM — Premer-mınıstrdiń orynbasary — Ulttyq ekonomıka mınıstri Serik Jumanǵarın ınflıatsııany tómendetý úshin qandaı sharalar qolǵa alynǵanyn aıtyp berdi.

Inflıatsııany 9-11%-ǵa deıin, ortasha 10%-ǵa deıin tómendetý úshin sharalar qabyldanady.

— Azyq-túlik taýarlarynyń otandyq óndirisin ulǵaıtýǵa jáne ishki naryqty molyqtyrýǵa, taýar naryqtarynda teńgerimsizdikterdi boldyrmaýǵa, ónimdi tıimdi saqtaý jáne tasymaldaý boıynsha ınfraqurylymdy damytýǵa basa nazar aýdarylatyn bolady, — dedi S. Jumanǵarın búgingi Úkimet otyrysynda.

Sonymen birge, osy jyldan bastap áleýmettik mańyzy bar azyq-túlik taýarlarynyń tizbesi 19-dan 31-ge deıin keńeıtildi.

— Tabıǵı monopolııalar sýbektileriniń qyzmetterine tarıfterdiń ósýinen ınflıatsııaǵa áser ınflıatsııanyń nysanaly parametrlerine baılanysty shekteletin bolady, — dep tolyqtyrdy mınıstr.

Buǵan deıin Serik Jumanǵarın Prezıdenttiń V Ulttyq quryltaıda bergen tapsyrmalary qalaı oryndalatynyn baıandaǵan edi.