Ekonomıka boıynsha Nobel syılyǵy AQSh ǵalymdaryna berildi
ASTANA. KAZINFORM — Amerıkalyq ǵalymdar Robert Holl men Maıkl Výdford 2026 jylǵy ekonomıka salasyndaǵy Nobel syılyǵynyń ıegeri atandy. Bul týraly búgin Stokgolmdegi Shvetsııa Koroldik ǵylym akademııasy málimdedi, dep habarlaıdy BILD .
Syılyq «makroekonomıkalyq turaqtandyrýdyń mıkroekonomıkalyq negizderi» taqyrybyndaǵy zertteýleri úshin tabystaldy. Ǵalymdar jeke tulǵalar men kompanııalardyń sheshimderi tutastaı alǵanda ekonomıkaǵa qalaı áser etetinin jáne úkimetterdiń daǵdarystardyń saldaryn qalaı azaıta alatynyn túsinýge kómektesetin ekonomıkalyq modelderdi ázirlegen.
Bıylǵy syılyqtyń mólsheri 12 mıllıon shved krony (shamamen 1,2 mıllıon dollar). Syılyq Alfred Nobel qaıtys bolǵan kúni, 10 jeltoqsanda tapsyrylady.
Basqa Nobel syılyqtarynan aıyrmashylyǵy, ekonomıka salasyndaǵy syılyq Alfred Nobeldiń ósıetine kirmegen. Bul syılyqty berý bastamasyna 1968 jyly Shvetsııanyń ortalyq banki muryndyq bolǵan, al marapattar bir jyldan keıin berile bastady.
Eske sala keteıik, bıyl medıtsına salasyndaǵy Nobel syılyǵy Germanııa men AQSh ǵalymdaryna, fızıka boıynsha belgııalyq ǵalymǵa berilse, hımııa salasyndaǵy Nobel syılyǵyn Frantsııa men Japonııa ǵalymdary, al kanadalyq aqyn Enn Karson ádebıet salasyndaǵy Nobel syılyǵyn aldy.
