Ekonıkomıkalyq damý jáne saýda mınıstrligi qurylady - Memleket basshysy
Bul týraly búgin Aqordada Úkimet músheleriniń jáne oblys ákimderiniń qatysýymen ótip jatqan Indýstrııalyq damý máseleleri jónindegi keńeste Elbasy Nursultan Nazarbaev málim etti, dep habarlaıdy QazAqparat.
«Bizde Ekonomıka jáne bıýdjetti josparlaý mınıstrligi tańnan keshke deıin, qańtardan-qańtarǵa deıin bıýdjet máselesimen otyrady. Bul túsinikti jáne aýqymdy úlken jumys. Olarǵa óndiristik kúshterdi ornalastyrýmen, basqa da jumystarmen aınalysýǵa, sondaı-aq josparlaý sharalarymen aınalysýǵa ýaqyttary joq», dep atap ótti Prezıdent.
«Sondyqtan osy mınıstrliktiń bıýdjettik josparlaýyn Qarjy mınıstrligine berýdi usynamyn. Barlyǵyn jınaqtap, osyǵan jaýap beresiz», dedi Prezıdent Bolat Jámishevke qaratyp aıtqan sózinde.
«Sonymen birge Ulttyq saraptamalyq ortalyq jáne basqa da memlekettik zertteý uıymdary saraptamalyq jumysty kúsheıtý úshin osy mınıstrlikke beriledi. Sondyqtan Ekonomıkalyq damý jáne saýda mınıstrligi qurylady. ıAǵnı, saýdany Indýstrııa mınıstrliginen osynda beremiz», dedi Memleket basshysy. Osyǵan baılanysty Elbasy saýda saıasaty Keden odaǵyna engennen keıin strategııalyq mańyzǵa ıe bolatyndyǵyn qadap aıtty.
