Ekologter Úlken Almaty kóline baratyn joldy jaýyp, týrısterdi tek ekologııalyq kólikpen aparýdy usyndy
Ashyq hatta qoǵam músheleri 2020 jyly jóndeý jumystaryna baılanysty Úlken Almaty kóline baratyn jol jabylǵanyn, alaıda, búginge deıin eshqandaı jol jóndeý jumystary jasalmaǵanyn jazdy.
«2020 jyldyń naýryz aıynda birneshe ýchaskede shuńqyrlar men opyrylymdar paıda bolýyna baılanysty ÚAK-ǵa baratyn jol jabyldy. Ol jolmen júrý avtokóliktiń barlyq túri úshin qaýipti boldy. Úsh jyl boıy týrıster ÚAK-ǵa tek jaıaý bara aldy. Sondaı-aq bul jyldary jolmen júrý shekteýli boldy, ıaǵnı kóldiń janynda ornalasqan uıymdardyń qyzmetkerleri ǵana júre alady. Avtojol QazAvtoJolǵa qaraıdy. Eki jyl boıy kompanııa joldy qaıta qurý jobasyn ázirledi. 2022 jyldyń kókteminde qoǵamdyq tyńdaý ótti. Jóndeý jumystary 2 jyldan soń aıaqtalýy kerek bolatyn. Alaıda, osy ýaqytqa deıin jol jóndeý jumystary tipti bastalǵan da joq», - dep jazady qoǵam músheleri.
Alaıda, joldyń jabylýy qorshaǵan ortaǵa paıdaly boldy.
Kóp týrısterdiń, qoqys pen shýdyń joqtyǵyn paıdalanyp kóldiń jaǵasyna jabaıy janýarlar túse bastaǵan.
Sondaı-aq shekteýli túrde bolsa da týrızm aqyryndap damyp jatty. Jaıaý týrıster sonda da kól men onyń aınalasyna kelip júrdi.
«2023 jyly kútpegen jerden kólge baratyn jol ashyldy. Al jol áli jóndelmegen ári qaýipti kúıinde qala berdi. Onyń ústine ótken jyldar ishinde betkeıde shuńqyrlar men opyrylǵan jerler molaıa túsken. Keı jerlerde jol bir jolaqqa deıin tarylǵan. Bir apta ishinde kólge haos qaıta oraldy. Kelýshiler tar jolda birneshe saǵattyq uzyn-sonar kepteliste tura bastady. Birneshe kúnde munda birneshe jol apaty boldy, adamdar zardap shekti. Taýly shatqaldyń ekojúıesi kúshti rekreatsııalyq júkteme, shý, avtokólik gazy men qoqystan qaıta zardap shege bastady. Sondaı-aq munda kóp týrıst úshin jaǵdaı jasalmaǵan. Іle Alataýy injý-marjany sanalatyn Úlken Almaty kóliniń taǵdyryna beı-jaı qaramaıtyndardyń atynan kólge baratyn joldy shekteýdi talap etemiz. «Medeý-Shymbulaq» avtojolynda jasalǵandaı, adamdardy qoǵamdyq ekologııalyq kólikpen kólge tasymaldaý qajet», - dep málimdedi «Jasyl qutqarý» ekologııalyq qoǵamynyń músheleri.
Ekologııalyq qoǵam Úlken Almaty kóliniń janashyrlaryn úndeýdi qoldaýǵa shaqyryp, árkim eotinish.kz portaly arqyly óz atynan hatqa qol qoıyp, jibere alatynyń habarlady.
Aıta keteıik, Úlken Almaty kóli - Іle Alataýy men Qazaqstannyń basty kórikti jerleriniń biri.
Ol Almatydan 15 shaqyrym qashyqtyqta Іle-Alataý ulttyq parkiniń aýmaǵynda ornalasqan.
2014 jyly «Almaty qalasynyń shekarasyn ózgertý» týraly Prezıdent Jarlyǵymen Úlken Almaty shatqalynyń bir bóligi qalanyń ákimshilik shekarasyna berilgen bolatyn.