Ekologtar temeki fıltrlerine tyıym salýdy usyndy
ASTANA. QazAqparat - Amerıkandyq San-Dıego ýnıversıtetiniń ǵalymdary tabıǵatty qorǵaý úshin temeki fıltrlerine tyıym salýdy usynyp otyr.
Olardyń sózine qaraǵanda, álemde jyl saıyn tartylatyn 6 trıllıon temekiniń ishinen 4,6 trıllıony qoqys jáshikterine emes, jerge tastalady. Sonymen qatar temeki tuqyldarynyń quramynda toksınder, nıkotın, pestıtsıdter men kantserogender bar. Al bul qaldyqtar qorshaǵan ortaǵa qaýip tóndiredi.
Munymen qosa shylymnyń fıltri tabıǵatqa ábden zııanyn keltiredi eken. Sebebi, onyń quramy bıohımııalyq turǵyda ydyramaıtyn kórinedi.
Osynyń saldarynan qorshaǵan ortaǵa, ásirese, sýǵa myshıak, nıkotın, qorǵasyn jáne etıldi fenol qosylyp jatady. Bul óz kezeginde tabıǵatqa jáne tiri aǵzalarǵa zalalyn tıgizýde, dep jazady Rosbalt.
