Ekologtar sý qubyryn jylytý úshin shınalardy órteý faktisin teksermek - Almaty oblysy
TALǴAR. QazAqparat - Almaty oblysynda kommýnaldyq qyzmetterdiń qatyp qalǵan qubyrlardy shınalardy órteý arqyly jylytpaq bolǵan áreketine resmı tekseris júrgiziledi. Biraq ol úshin vıdeo avtorynan resmı aryz túsýi kerek, dep habarlaıdy QazAqparat tilshisi.
Qubyrlardyń janynda býdaqtaǵan qoıý tútin týraly vıdeo áleýmettik jelide taralǵan bolatyn.
Almaty oblysy Talǵar aýdany Besqaınar aýylynyń kommýnaldyq qyzmetteri qatyp qalǵan sý qubyryn osylaısha jibitýge májbúr bolǵan. Jergilikti turǵyndar bolsa, qoıý tútinge shaǵymdandy.
«Osy aqparattan soń «Talǵar Sý» MKK qyzmetkerleri oqıǵa ornyna shyqty. Olar kólik shınalaryn órteýdi toqtatyp, saldaryn joıýdy talap etti. Almaty oblystyq Ekologııa departamenti resmı tekserý júrgizip, onyń nátıjesi boıynsha tıisti sharalar qabyldaýǵa múddeli. Tek ol úshin vıdeo avtory departamentke resmı shaǵym túsirýi kerek. Tekseris nátıjesi týraly qosymsha habarlanady», - dedi QR Ekologııa mınıstrliginen.
