Ekologtar Pavlodardaǵy taǵy bir iri zaýyttan kemshilikter tapty
PAVLODAR. KAZINFORM - «Qazaqstan alıýmınııi» AQ-ǵa qarasty JEO-da shań shyǵaryndylarynyń normadan asyp ketýi, arnaıy ekologııalyq ruqsattyń bolmaýy jáne taǵy basqa kemshilikter anyqtalǵan.
Pavlodar oblysy boıynsha ekologııa departamenti «Qazaqstan alıýmınııi» AQ-ǵa qarasty jylý-energııa ortalyǵyna josparly tekserý júrgizgen.
- Tekserý barysynda ortalyqtan birqatar zań buzýshylyqtar anyqtaldy. Atap aıtqanda, kómirdi tasymaldaý men kómir qoımasyn qalyptastyrý kezinde shań túzilý kózine ekologııalyq ruqsattyń bolmaýy, otyn berý konveıeriniń LK-4A kózinde beıorganıkalyq shań shyǵaryndylarynyń ruqsat etilgen normalarynyń asyp ketýi sııaqty máseleler tirkeldi. Buǵan qosa gaz tazartý qondyrǵylarynyń pasporttaryn júrgizý kezinde gazdyń ylǵaldylyǵy, sýarý suıyqtyǵynyń shyǵyny jáne sý qysymy týraly derekter júrgizilmegen, - dep habarlady departamentten.
Mekeme mamandary JEO basshylyǵyna kemshilikterdi joıý týraly nusqama joldap, 3 814 974 teńge somasyna aıyppul salǵan.
Eske sala keteıik, ekologııalyq talapty eskermegen Pavlodar elektrolız zaýytyna aıyppul salyndy.
